dsc_0543-2

السلام عليكم قرائي ~

بداية ~ حبيت أقتصر على الانواع الكورية فقط في التدوينة الحالية

و إن شاء الله بيكون فيه تدوينات تانيه للماسكات اليابانية والماسكات اللي نسويها بنفسنا في البيت

.عشان أوضح كل حاجة وأعطي كل شيء حقه

smilie-101يلا نبدأ

 ملاحظة صغيرة قبل البدأ : مصطلحات تجميلية : خالي من البارابين

يعتبر خلو المنتج من البارابين ميزة حلوة ,لأنه البارابين ببساطه عبارة عن “إستر” يعني مركب

.مكون من حمض وكحول , تستخدمه شركات التجميل كمواد حافظة للمكياج و المستحضرات لأنه كحول عطري

ماثبت علميا أي مخاطر له , لكن يقال في عدة مقالات عالإنترنت إنه يتجمع في الجسم مع مرور السنوات

وممكن يسبب بعض الطفرات اللي تنتج تورم أو خلايا سرطانية

smilie-34(بعيد الشر عن الجميع)

~لكن وجوده عموما ما يخوف لأنه يستخدم بكميات بسيطه

مع كده الناس بدأت حاليا تتجنبه و بدأ المجتمع يعي خطورة الكيماويات , وعشان كده

.أخدت الشركات خطوتها الأولى في تصنيع المستحضرات الخاليه من البارابين

emo24ومع كل دا الكلام خلينا ندخل في صلب الموضوع

dsc_0560

كل الأقنعة في الصورة اللي فوق من محل

” The Face shop “

ماعدا قناع شجرة الشاي الأخضر من

” Etude house “

 صناعتها كورية ومحل ذا فيس شوب موجود في السعودية في الرياض وجده ومكة والطايف

 وفروعه منتشرة في الإمارات وشرق آسيا عموما

رح أحط ميزات كل قناع مع البشرة المناسبه له

34من اليمين إلى اليسار

قناع الوجه بخلاصة الليمون8

خاصيته تفتيح للبشرة , ويحتوي على فيتامين سي بما أنه بالليمون

فيه ميزة إنه يوازي تلون البشرة أو احمرارها ويعطي بريق للبشرة الباهته

خالي من البارابين

يناسب البشرة الدهنية والمختلطه لأن تركبيته تخلصك من الزيوت الزائده في البشرة

و تساعد في نشفان حبوب الوجه واختفاءها

ما يناسب أبدا البشرة الجافه , لانه يشد البشرة و دا ممكن يسبب تلف وزياده في الجفاف.

قناع شجرة الشاي 8

قناع لتلطيف البشرة وتنظيفها

شجرة الشاي خاصيتها معقمه , رائحتها أقرب لرائحة المعقمات الطبية

لكن لطيفه ومنعشة , يحتوي القناع كمان على خلاصة أعشاب مهدئة

يناسب كل أنواع البشرة ماعدا الجافه

و ما أنصح بيه للي تعاني من أكزيما لأنه ممكن يزيدها

لكنه مثالي للقضاء على البكتريا و إخراج الأتربة من مسامات الوجه

قناع الوجة بخلاصة الرمان 8

14أخيرا وصلنا لقناعي المفضل

بحكم بشرتي الجافة ماجربت القناعين اللي فوق

لكن اعطيته اتنين من اقاربي واتنين من صحباتي وجربوه ومره عجبهم خصوصا شجرة الشاي

أما بالنسبة للرمان فهو المناسب لكل الأوقات

لأنه ببساطه يناسب كل أنواع البشره

56621لكن اللي بشرتها جافه رح تحس بالفرق أكتر من الباقين

مميزاته خالي من البارابين

يحتوي على المعادن وفيتامين ب1 و ب2

 يحتوي على سيروم مرطب , وميزة السيروم عن غيره إنه يتغلغل لأعماق أعماق البشرة ويرطبها

كل البشرات تحتاج ترطيب حتى البشرة الدهنيه

لأنه في حال احتاجت البشرة الدهنية للرطوبة وما أتوفرتلها

رح تبدأ تفرز زيوت أكتر ودا يسبب ظهور حبوب اكتر في الوجه

بالتالي رطبيها لكن بمرطب خفيف

أو بقناع مرطب مره وحده في الأسبوع

استخدامه للبشرة الجافه أو العاديه في الشتا حيكون مرتين في الأسبوع

13081889641ودا حيلغي تماما جفاف بشرتك وحتكون دايما رطبة ومشرقه

 قناع الوجه بخلاصة التوت الأزرق أو التوت البري8

يقال عن التوت الأزرق ” الفاكهة الخارقة” بسبب كثرة فوائدها

ودا القناع من مميزاته إنه مرطب و موحد للون البشره ,

لكن ميزته الأساسية انه ينعم البشره ويجدد خلاياها

و إذا كنتي تدوري على هديه تجميلية لمامتك .. دا القناع حيكون الخيار المناسب

لانه ينفع لكل انواع البشرة و يعتبر مفيد اكثر لأعمار مافوق الأربعين

لأنه بعد الأربعين يبدأ تجدد خلايا البشرة يقل معدله تدريجيا

.ودا القناع حيساعد في التجديد

%d8%a1%d8%b3

و بعد ما اتكلمنا عن كل ماسك رح أقولكم طريقتي في استخدامه

أول شيء ما ينفع تفتحي المغلف وتتركيه لفترة ساعتين وتنشغلي بعدين ترجعي تحطيه

لأنه بكدا رح يتلوث أو ممكن يجف كمان

تاني شيء ضروري نغسل وجهنا بغسول مناسب

ونمسح بشرتنا بتونرأو قطنة فيها موية ورد قبل مانحط الماسك

بعدها نطلع الماسك من التغليف ونحطه

ورح نلاحظ انه باقي من عصارة الماسك جوا

دايما أحب أفرغها في يدي و أوزعها على الرقبة

تقريبا بشرة الرقبه حساسيتها بنفس حساسية الوجه وتحتاج عناية زي ما الوجه يحتاج

لذلك دايما أي شيء تحطيه لوجهك مدديه ليوصل آخر الرقبه

وبس بعدها خليه من 10 إلى 15 دقيقه

و ارميه بعد انتهاء المدة

لا تغسلي وجهك بس طبطبي عليه عشان يتشرب الباقي من القناع

4ونعيما

و كده نكون وصلنا نهاية التدوينه

أتمنى تكون أعجبتكم لأني حبيت اغير و أنوع في التدوينات حسب شغفي كل فترة

ولأني لما أهديت أحبابي ماسكات , كتير سألوني كيف نستعمله

فحبيت أفيد الجميع بدي التدوينه

و إذا عندكم أي أسئلة أو منتجات حابين أكتب عنها قولولي هنا أو في حسابي عالانستقرام

شاكرة لوجودكم في مدونتي

أستودعتكم الله

tumblr_lw9rm6nqrl1qbjq43مع كل الحب : كانّ


8 comments on “أقنعة كورية +استخدامها حسب نوع البشرة”

  1. سبحان الله والله هاذي الأيام طحت على الماسكات الكورية
    تجنن والله وتجيب الاسترخاااااء 💔😍
    ياريت لو
    تتكلمي بعدين عن الماسكات اليابانيه ، وايش حسّيتي فرق بينها وبين

    الكوريه وآيات أفضل

    مميزة يا نحلتي
    استمري 💜

  2. اوني لنا لمن حطيت الماسك زي البلهه ما غسلت وجهي بالغسول لا علطول حطيته و شلته بعد نص ساعه و غسلت وجهي 😂😂😂☻☻

    • ههههههههههههههههه مو مشكله حبيبي المره الجايه غسلي وجهك قبل ولا تغسليه بعد … ضحكتيني ربي يسعدك
      اصلا ماشاء الله عليكي ..انا في المتوسط وجهي ماكان يشم غير الكتب ما شاف لا ماسكات ولاشيء ههههههههه

  3. مرة ممتاز كنت حسالك كيف استخدم الماسك

    بس لسا بنتظر افضى لنفسي
    (😑يارب يجى دا اليوم)

    معلومات حلوة ومفيدة تسلميلنا 😚

    • هههههههههههه اكتر تعليق انبسطت بيه
      مصداقية قريبة من القلب
      احب اشكرك من قلبي على اعطائي جزء من وقتك وقراءتك وردك لمواضيعي
      مع انك مو لاقية وقت لنفسك ..اتعلم منك الكثير

Leave a Reply

Your email address will not be published. Required fields are marked *