13081889641

 

img_20160311_015523

السلام عليكم ورحمة الله وبركاته اخواتي وصديقاتي

بداية سكني في اليابان كنت أحس بالضيق و أحيانا احلم بأشياء غريبة في بيتي

كنت أحس بالخوف وأقعد أقنع نفسي انه خيال ووهم وانه بيتهيألي

وعشان كده دخلت وبحثت وجربت أشياء تخلي بيتنا دافئ ومريح اكتر

 ..بعكس بعض البيوت اللي لما ندخلها يضيق صدرنا ومانرتاح فيها

فيه أشياء أساسيه مهمه .. حلو لو كلنا نسويها

 emo24وأشياء ثانوية لكنها برضه تساهم في الراحة النفسيه لسكان المكان

 8حاسردها كلها هنا و إن شاء الله ربي يجعل بيوتكم كلها عامرة بالسعاده

تشغيل سورة البقره في البيت وقرائتها –

طبعا شيء معروف وكتيرين يسووه

لكن مايمنع اننا نشغلها كل يوم

 كل يوم لما أبدأ يومي وأشغالي اشغلها .. وما أخلص الا والسورة كمان خلصت

تعطي راحة نفسيه غير انه تحسي الأشغال تخلص بسرعه و أحيانا من كثر سماعي لها

.اقراها مع الشيخ وسرت احفظها عن طريق السماع

فتح الستائر لضوء الشمس –

من أكثر الأشياء المفيده لأنه أشعة الشمس تقتل بعض انواع البكتيريا الضارة في السجاد والفرش

وفترة العصر أحب احط واقي للشمس واجلس جنب البلكونة اخد من فيتامين دي ..

.و هادي الحركة حلوة برضه للي عندهم اطفال لانه اشعة الشمس ضرورية لهم

تنظيف البيت باستمرار –

dsc_0026

فيه نقطة حلوة أحب أذكرها … كلنا قبل التنظيف نرتب البيت .. لذلك قبل الترتيب أرش ملح وخل في أركان البيت

.و أرش بيكربونات الصوديوم على الكنبه والسجاد .. وبعد ما ارتب واغسل المواعين اكنسها واكنس البيت كله

الملح للارواح والخل للحشرات .. انا هنا في اليابان اعاني من العناكب لانه البيت خشب .. ورغم الادوية اللي استخدمها ما نفع معاهم الا دي الطريقه

smilie-101 اما بيكربونات الصوديوم بيزيل كل الروائح من الفرش والسجاد ويرجعه منتعش كأنه جديد

التخلص من كل الأشياء اللي عليها صور او مجسمات –

أشوف ناس كتير عادي عندهم يحطوا صور أو دببه في بيتوهم وغرف نومهم ..

“لكن الرسول محمد صلى الله عليه وسلم يقول في حديثه : ” لا تدخل الملائكة بيتاً فيه كلب ولا صورة

.والبيت اللي ما تدخله الملائكة يكون مكان للشياطين فالأفضل نتخلص منها

فتح النوافذ و تبخير البيت أو تعطيره –

dsc_0048

مع انه الشتاء في مدينتنا قارس .. لكن احرص دايما اني افتح نوافذ البيت ولو لخمسه دقايق في الظهر عشان يتهوى البيت ويتغير جوه

..اما بالنسبه لتعطير البيت فأفضل استخدام الزيوت الأساسيه أو العطرية , لأنه لها خواص معينه ..

.مثلا زيت اللافندر خاصيته مهدئة دايما يستخدموه في اماكن المساج والصالونات

.زيت الليمون وشجرة الشاي لها خواص معقمه وقاتلة للبكتيريا

تلاقوا الزيوت العطرية في سنتربوينت وبودي شوب أو من هنــا

ادخلي عنصر الطبيعه لمنزلك –

dsc_1513

دايما بيوت الاجانب في الصور تظهر بظهر مريح وجميل

ولو لاحظنا الشيء المشترك بين بيوتهم هي الألوان الفاتحه , والأشجار والورد , وضوء الشمس

.  نباتات الظل تنفع لبيوتنا ومظهرها جميل ومريح للعين .. تلاقوا هنــا بعض الافكار الجميلة للنباتات

قراءة آيات السكينه خصوصا على الاطفال فالقرآن يهدئهم , و كمان البسملة عند القيام بأي شيء –

للمبتعثات اللي زي حالتي ماعندهم قنوات تبث قرآن طول الوقت …

8هنـــا رابط قناة القرآن الكريم على اليوتيوب

اغلاق باب دورة المياه و الحرص على نظافتها و قول الدعاء وقت الدخول والخروج-

اطفاء الاجهزة وقت النوم –

dsc_0055-2

غالبا الاجهزة تطلق اشعه كهرومغناطيسيه زي الجوالات والتلفزيون و اللاب توب بترددات عاليه

وتتخزن في الجسم وتأثر على طبيعة الانسان في البيت فالافضل اغلاقها وقت النوم ~

عادتي وقت النوم اطفي الاجهزة كلها حتى التوصيلات اللي ما نحتاجها اقفلها

.منه توفير للكهرباء ومنه راحة للجسد والمخ

.وكمان احرص قبل النوم اشحن جوالي عشان ما اضطر اشحنه وانا نايمه وانتوا اخبر بمشاكل الشواحن واخطارها

 قيام الليل وصلاة الفجر –

لو كنا نبغى نعود انفسنا ونربيها على عاده

ماحنلاقي عادة افضل من اننا نصحى وقت السحر و نصلي الفجر

.وبعدها نستنشق هواء الفجر النقي سبحان الله راحة مو طبيعيه

اغلاق النوافذ في المغرب –

نهاية فترة العصر اقفل شبابيك البيت كلها و اقرأ أذكار المساء وهدا من هدي حبيبنا محمد صلى الله عليه وسلم

.واحيانا لو عندي خرجة في العصر وعارفه اني حتأخر لبعد المغرب فأقفل الشبابيك كلها قبل ما اخرج

اخيرا اتمنى تكون النقاط مفيده لكم .. ومو شرط تسوي كل حاجه دفعه وحده ازا مو متعوده ..

..ابدئي نقطة نقطة بالتدريج

smilie-59 وحتلاحظي الفرق في حياتك ونفسيتك و ياربي يجعل حياتكم كلها فرح وأيام ملونه

استودعتكم الله

tumblr_lw9rm6nqrl1qbjq43مع كل الحب : كانّ


9 comments on “اصنعي منزل السعادة”

  1. ماشاء الله عليك
    صراحة مرره موضوع قيم ومفيد ، في ميزان حسناتك يارب
    اتفق معاك بكل شي ❤️❤️❤️
    خصوصا سورة البقرة ❤️ راحة عجيبة
    الله يجعلنا من المداومين عليها يارب

    وأحب أضيف معلومة 😋
    حاولي تتخلصي من الورود الميتة او المجففة او اي نبات ميت
    لانه يطّلع طاقة سلبيه

    نترقب الجديد بفارغ الصبر 😍💜

    • ياحبيبتي شكرا لقراءتك حروفي
      ومنجد على قولك مايلاحظ سورة البقرة الا اللي يداوم عليها
      ليا حكي تاني معك ان شاء الله بخصوص علم الطاقه ههههه
      تسلمي على اضافتك ماننحرم يارب

  2. بالفعل الانسان يقدر يخلى المكان الى يعيش فيه جنه
    وممكن يحوله لجحيم لا يطاق

    اتمنى تدوينتك دى توصل لاكبر عدد من المتزوجات حديثا
    ممكن تغير فى حياتهم كتيرا

    ماشاء الله تبارك الله
    اهنيكى على معرفتك وضع اساسيات حياتك الزوجية ا
    بهذه الطريقه

    .الله يوفقك وينور بصيرتك حبيبتى

    • فعلا .. ممكن احيانا تخرج الامور عن السيطرة ويتحول الوضع لجحيم
      لكن لا مانع من استعادة البهجة في الحياة .. التغيير شيء جميل
      شكرا والله سعيدة جداا بقراءتك لحروفي البسيطة اللي ماتتقارن بمعلوماتك وتجاربك
      امين يارب العالمين

  3. ما شاء الله عليك 👍👍
    ليت مل الناس يسووا مثلك
    يشتكوا من الضيق ومن التعب
    وما يعرفوا انها من أفعالهم وبعدهم
    عن القرآن الكريم والتحصين بالأذكار
    ومثل ما ذكرتي البعد عن الصور ،
    وما ننسى ان الأغاني أيضا مسبب للضيق
    ليش ! لأنها تميت القلب ،، واللي يموت قلبه
    بسبب معصية نسأل الله انه يهديه
    لأنه فتح ع نفسه باب للشيطان .

    بارك الله فيك وفتح لك أبواب السعادة
    واصلي إلى التميّز 💖👍
    سعدت والله بوجودي في مدونتك 😚😘

    • صادقة والله في كل حرف .. شكرا لااضافتك الجميله منورتني والله
      انا اللي سعيدة لانك اعطيتيني جزء من وقتك اتمنى اكون افدتك بحروفي البسيطه

  4. جدًا حبيت تدوينتك💕
    وسبحاان الله نفس اللي حصل معايا أول ما جيت أمريكا، كان يجيني قلق وخفقان بدون سبب، تعبني هالشي مع تجربة الغربة..
    بس سبحان الله صرت أسوي نفس الكلام اللي قلتيه وأحرص أشغل القرآن وأحصن نفسي صباح ومساء واختفت مني هالحالة بإرادة ربي 💎

    بالنسبة لزينة المنزل اشتريت لي تربة زراعية وأصيصات وصرت أزرعها جوا البيت << حتى مو في البلكونة عشاني من جد خايفة من الحشرات 😅😅

    ختامًا مرره سعيدة إني طحت على مدونتك 😍
    أتمنى لك التوفيق والسعادة بحياتك 💙

    • سعيده جدداا انك حبيتيها .. الحمدلله اللي اعطانا قدرة التغلب على الصعوبات اللي في حياتنا .. ربي يديم عليك الراحة والصحه طول العمر .. بالنسبه للنباتات زرعاتي كل ما اجيبها تموت مع البرد اعطينا اسرارك في المحافظة عليها نستنى تدويناتك يا جميلة .. كويس فيه احد زيي عنده فوبيا من الحشرات ههههههه انا زيك مخليتها جوا البيت.. والله نورتيني ياحبيبتي ربي يسعدك اسعدتيني جدا .. وانا اتمنالك كل الخير روان .. انتي قريبة من القلب بعفويتك شكرا

Leave a Reply

Your email address will not be published. Required fields are marked *